Lirik Singirane Gus DusNgawiti ingsun nglaras syingiran
Kelawan muji maring pengeran
Kang paring rohmat lan kenikmatan
Rino wengine tanpa petungan
Duh bolo konco priyo wanit
Ojo mung ngaji syariat bloko
Kur pinter dongeng nulis lan moco
Tembe mburine bakal sengsoro
Akeh kanga pal qur’an haditse
Seneng ngafirke marang liyane
Kafire dewe ga digateke
Yen esih kotor ati akale
Gampang kabujuk nafsu angkoro
Ing pepaese gabyaring dunio
Iri lan meri sugihe tonggo
Mula atine peteng lan nistho
Ayo sedulur jo nglale’ake
Wajibe ngaji sa’pranatane
Nggo ngandelake iman tauhide
Baguse sangu mulyo matine
Kang aran sholeh bagus atine
Kerono mapan sari ngilmune
Laku thoriqot lan ma’rifate
Ugo haqeqot manjing rasane
Al qur’an qodim wahyu minulyo
Tanpo tinulis biso diwoco
Iku wejangan guru waskito
Den tancepake ing jero dodo
Kumantil ati lan pikiran
Ngrasuk ing badan kabeh jeroan
Mukjizat rosul dadi pedoman
Minongko dalan manjinge iman
Kelawan alloh kang moho suci
Kudu rangkulan rino lan wengi
Ditirakati diriyadoi
Zikir lan suluk jo nganti lali
Uripe ayem rumongso aman
Dununge roso tondo yen iman
Sabar narimo najan pas pasan
Kabeh tinakdir sanking pengeran
Kelawan konco dulurlan tonggo
Kag podo rukun poso asiho
Iku sunahe rosul kang mulyo
Nabi muhamad panutan kito
Ayuh ngelakoni sekabehane
Alloh kang bakal ngangkat drajate
Senajan asor toto zohire
Ananging mulyo maqom drajate
Lamon palastro ing pungkasane
Ora kesasar roh lan sukmane
Den gadang alloh suwargo manggone
Wutuh mayite ugo ulase
No comments:
Post a Comment